Müəllif: Tamara Mustafayeva, Banco.az
Tramp: ABŞ-ı dünyanın kriptovalyuta mərkəzinə çevirəcəyəm.
Banco.az xəbər verir ki, ABŞ-da Respublikaçılar Partiyasından prezidentliyə namizəd Donald Tramp kriptovalyutaya şübhə ilə yanaşması ilə tanınan ABŞ Qiymətli Kağızlar və Birjalar Komissiyasının sədri Qari Gensleri işdən çıxaracağını və ABŞ-ı dünyanın kriptovalyuta mərkəzinə çevirəcəyini bildirib.
Donald Tramp kriptovalyuta həvəskarlarını cəlb etmək və sənayenin siyasi arenada artan təsirindən istifadə etmək məqsədilə addımlar atır.
O, Ağ Evə dönəcəyi təqdirdə Qiymətli Kağızlar və Birja Komissiyasının sədrini işdən çıxaracağını və əvəzinə kripto-dost məmurları təyin edəcəyini bildirib.
Qeyd edək ki, Tramp səlahiyyət müddəti 2026-cı ilə qədər bitməyən SEC sədri Qari Gensleri istefaya göndərəcəyini söylədikdə izdiham yüksək səslə alqışlayıb. Buradan məlum olur ki, prezident seçiləcəyi təqdirdə Donald Tramp inkişaf etməkdə olan sənayenin ən yaxşı tənzimləyiciləri üzərində əhəmiyyətli təsirə malik olacaq.
Bizi sosial şəbəkələrdən izləyin!!
