Tamara Mustafayeva, Banco.az
Dollar/TL məzənnəsi yeni günə stabil başlayıb.
Çərşənbə gününü 7,4879 səviyyəsində başa vuran məzənnə yeni günə stabil başlayıb.
Bu il ərzində təqribən 20% yüksələn kurs bu gün Bakı vaxtı ilə 11:25-də 0,1% geriləyərək 7,4807 səviyyəsində icra edilib.
Qeyd edək ki, Türkiyə Statistika Komitəsi (TÜİK) iyun ayı üzrə iş məşğulluq statistikasını açıqlayıb. Bu məlumatlara görə, Türkiyədə işsizlik göstəricisi iyun ayında ötən ilin eyni dövrü ilə müqayisədə 0,4 bənd artaraq 13,4%-ə çatıb.
Xatırladaq ki, cümə günü də iyul ayı üzrə cari əməliyyat tarazlığı göstəriciləri açıqlanacaq.
Bizi sosial şəbəkələrdən izləyin!!
