Beynəlxalq valyuta birjalarında dolların aparıcı valyutalara nisbətən qiymətlərində bahalaşma müşahidə edilir.
Dolların aparıcı valyutalara nisbətən qiymətlərində bahalaşma keçən həftənin maksimum səviyyəsinin qırılması ilə nəticələnərsə, daha da sürətlənəcəyi proqnozlaşdırılır.
Lakin bu gün dolların məzənnələrinə güclü təsir edə biləcək önəmli fundamental məlumatlar da investorların diqqət mərkəzindədir.
Bunlar Bakı vaxtı ilə saat 13:00-da Avrozona, saat 13:30-da Böyük Britaniya və 19:00-da ABŞ-dan açıqlanacaq xidmət sektorunda biznes aktivliyinə dair göstəricilərdir.
Bununla yanaşı, saat 17:30-da Amerikadan açıqlanacaq ticarət dövriyyəsi ilə bağlı göstəricilər də önəmli olacaqdır.
Məlumat Azərbaycanın İnvestAZ İnvestisiya şirkətinin analitikləri tərəfindən hazırlanıb.
