Müəllif:Gülbəniz Hüseynli/Banco.az
Azərbaycanda 2024-cü il üçün ərzaqlıq buğdanın dövlət tədarük qiyməti 400 manat/ton olaraq müəyyənləşib.
Bu isə, 2023-cü illə müqayisədə 50 manat və yaxud 11,1 faiz azdır.
.jpg)
Ərzaqlıq buğdanın tədarük qiymətlərinin azalmasının çörəyin qiymətinə təsirləri barədə Banco.az-a açıqlama verən iqtisadçı-ekspert Xalid Kərimli bildirib ki, söhbət çörəyin qiymətinin ucuzlaşmasından getmir:
“Ukrayna “taxıl dəhliz”i bağlansa da, 2023-cü ilin ikinci yarısından taxıl qiymətləri ucuzlaşdı və bu 2024-cü ilin fevralına qədər davam etdi.2024-cü ilin mart-aprel aylarında bahalaşma olsa da, iyunda qiymətlər yenə də ucuzlaşdı. Hazırda 400 manat olaraq müəyyənləşmiş tədarük qiyməti sahibkarlar üçün əlverişli sayılır. Bu qiymət dünya bazarında formalaşan hazırkı qiymətlərlə müqayisədə çox yaxşıdır”.
Atılan bu addımın gələcəkyönümlü olduğunu qeyd edən Xalid Kərimli vurğuladı ki, fermerlər istəyirlərsə, buğdanı hökümətə sata bilərlər:
“Bazarda unun qiyməti dünya bazarındakı baş verən proseslərə uyğun ucuzlaşıb. Çörəyin qiyməti də buna uyğundur. Artıq bazarda ötən ildən 70 qəpiyə satılan zavod çörəyi 55 qəpik həddinə endirilib.
Unun qiymətində də ucuzlaşmaq müşahidə edilir. Hökumət də ucuzlaşmanı nəzərə alaraq fermerlərdən daha ucuz qiymətə alır. Məsələ ondan ibarətdir. Bu vəziyyətin un və yaxud çörək bazarına təsiri gözlənilmir”.
Bizi sosial şəbəkələrdən izləyin!!
