Müəllif:Ayşən İmanova/Banco.az
Böyük Britaniyanın baş naziri Uinston Çörçillin malikanəsi 19,5 milyon funt sterlinqə (24,8 milyon dollar) satışa çıxarılıb.
Banco.az xəbər verir ki, əmlak Kensinqtonda, “Hyde Park” və “Royal Albert Hall” yaxınlığında yerləşir.
Bildirilir ki, ev 1946-cı ildə müharibə dövrünün tanınmış siyasətçisi tərəfindən 7000 funta (bu gün 244,917 funt sterlinq) alınıb. O, əvvəlcə binadan ofis kimi istifadə edib, sonra isə onu qonşu evlə birləşdirərək orada yaşamağa başlayıb.
Evdə altı yataq otağı, mətbəx, səhər yeməyi otağı, yemək otağı, bir neçə antik kamin, idman zalı və şəxsi terras var. Evin kiçik bir bağçaya da çıxışı var.
Hərrac evinin bildirdiyinə görə, belə bir ev zəngin tarixi irsə malik məkan axtaran alıcılara ən ideal seçim olacaq.
Bizi sosial şəbəkələrdən izləyin!!
