Müəllif: Tamara Mustafayeva, Banco.az
Süni intellekt vasitəsilə “Coca-Cola”nın səsi musiqiyə çevrilir.
Banco.az xəbər verir ki, “Coke SoundZ” instrumental kampaniya “Coca-Cola” səslərini musiqiyə çevirir.
“Coca-Cola” şirkəti istehsalçı və elm adamlarından ibarət qrup yaradaraq özü ilə eyniləşdirilən səsləri musiqiləşdirib.
Qrup binaural mikrofonlardan istifadə edərək “Coca-Cola Zero Sugar” içkisinin səslərini qeydə alıb. Neyroloqların fikrincə, süni intellektin dəstəyi ilə yaradılan bu səslər, yəqin ki, beynimizdə doyurucu bir duyğunun yaranmasına səbəb olacaq.
Audio kitabxanada nevrologiyadan istifadə etməklə yaradılmış bu fayllar süni intellektlə təhlil edilir. Bununla yanaşı, süni intellekt “Coke SoundZ”ə daxil edilmək üzrə yaradılan dalğa formalarını təhlil etmək üçün işə düşür. Nəticədə pərəstişkarların seçə biləcəyi müxtəlif ruhlandırıcı melodiyalar ortaya çıxır.
Səsləri yaradarkən instrumental alət kimi ənənəvi “Coca-Cola” butulkasının formasından ilham götürülüb. Alət artıq “Coca-Cola”nın “2024 Zero Sugar” kampaniyasının sauntrekinə daxil edilib.
Bununla belə, alətin rəflərə qoyulmayacağı və bundan sonra sənətçilərin musiqi yaradıcılığında, “Coca-Cola”nın tədbirlərində və musiqi kampaniyalarında istifadə ediləcəyi də bildirilib.
Bizi sosial şəbəkələrdən izləyin!!
