Müəllif: Tamara Mustafayeva, Banco.az
Çinin xidmət fəaliyyəti oktyabrda son üç ayın ən yüksək tempi ilə artıb.
Banco.az xəbər verir ki, Caixin/S&P qlobal xidmətlərin satınalma menecerləri indeksi (PMI) oktyabrda 50,3 punktdan 52,0 punkta yüksəlib.
Bu, xidmət və tikinti daxil olmaqla qeyri-istehsal fəaliyyətinin yenidən artmağa başladığını göstərən ötən həftə dərc edilmiş rəsmi PMI ilə eynilik təşkil edir.
Qeyd edək ki, Çin iqtisadiyyatı üçüncü rübdə 2023-cü ilin əvvəlindən bəri ən yavaş sürətlə böyüyüb və Pekin builki artım hədəfinə çatmaq üçün yarışarkən böhrandan təsirlənən daşınmaz əmlak sektorunda stabilləşmə əlamətləri müşahidə olunmayıb.
Xatırladaq ki, Pekin sentyabr ayında monetar stimullaşdırma və daşınmaz əmlak sektoruna dəstək tədbirləri həyata keçirib. Bundan qısa müddət sonra isə Kommunist Partiyasının yüksək səviyyəli liderlərinin, Siyasi Büronun iclası artımı bərpa etmək üçün "lazımi xərclər" etməyə söz verib.
Bizi sosial şəbəkələrdən izləyin!!
