Müəllif: Tamara Mustafayeva, Banco.az
Çində istehsal sektorunun fəaliyyəti ötən ay 11 ilin ən sürətli aylıq artımına nail olub.
Banco.az xəbər verir ki, Çin Yeni ilinin başa çatmasından sonra ölkədə fabriklərin fəaliyyətini bərpa etməsi ilə istehsal sektorunda aktivlik artım göstərib.
Milli Statistika Bürosu tərəfindən hazırlanan istehsal sektoru satınalma menecerləri indeksi (istehsal PMI) fevral ayında 2012-ci ilin aprel ayından bu yana ən sürətli artıma nail olmaqla yanvardakı 50,1 punktdan 52,6 punkta yüksəlib. İqtisadçılar fevral ayında istehsal PMI-nin 50,5-50,6 punkt olacağını gözləyirdilər.
Fevral ayında qeyri-istehsal PMI də 54,4-dən 56,3-ə çatıb ki, bu da 2021-ci ilin martından bəri ən sürətli artımdır.
Yanvar ayında 52,9 punkt olan kompozit PMI isə fevralda 56,4 punkta yüksəlib.
Bizi sosial şəbəkələrdən izləyin!!
