Müəllif: Tamara Mustafayeva, Banco.az
Çin çip sənayesi üçün 1 trilyon yuandan (143 milyard dollar) çox dəstək paketi üzərində işləyir.
Banco.az xəbər verir ki, Çin hökuməti ölkənin çip istehsalı üzrə yetərliliyini təmin etmək və ABŞ-ın texnoloji inkişafa mane olmasının qarşısını almaq üçün sözügedən sənayenin inkişafına 1 trilyon yuandan (143 milyard dollar) vəsait ayırmağı planlaşdırır.
Məsələyə yaxın mənbələr Pekinin ən böyük fiskal stimul paketlərindən birini təqdim etməyi planlaşdırdığını bildiriblər.
Mənbələr bildiriblər ki, maliyyə yardımının böyük hissəsi Çin firmaları, əsasən yarımkeçiricilər istehsal edən zavodlar və ya fabriklər tərəfindən yarımkeçirici avadanlıqların yerli alışını subsidiyalaşdırmaq üçün istifadə olunacaq.
Planın gələn ilin birinci rübündə həyata keçirilməsi nəzərdə tutulur.
Analitiklər qeyd edirlər ki, bu, çox güman ki, ABŞ və müttəfiqlərində Çinin yarımkeçirici sənayesində rəqabəti ilə bağlı narahatlığı artıracaq.
Bizi sosial şəbəkələrdən izləyin!!
