Müəllif: Tamara Mustafayeva, Banco.az
Cənubi Koreyada inflyasiyanın artım tempindəki zəifləmə potensial dönüş üçün zəmin yaradır.
Banco.az xəbər verir ki, Cənubi Koreyanın Statistika Bürosu tərəfindən bu gün açıqlanan məlumatlara görə, ölkədə istehlak qiymətləri aprel ayında əvvəlki aya nisbətən 3,7% artıb.
İqtisadçıların proqnozlarına uyğun olan bu göstərici 2022-ci ilin yanvarından bəri ən yavaş artım tempi kimi qeyd edilib.
Daha volatil hesab edilən neft və kənd təsərrüfatı qiymətlərinin daxil edilmədiyi baza inflyasiyası isə illik 4,6 faiz təşkil edib ki, bu göstərici mart ayında 4,8 faiz idi.
Xatırladaq ki, Cənubi Koreyada inflyasiya tempi aprel ayında artıq üçüncü aydır ki, geriləməkdədir və bu da qiymət təzyiqlərinin səngiməsi göstərdiyi üçün mərkəzi bankın faiz dərəcələrinin azaldılması istiqamətində hərəkət etməsinə zəmin yaradır.
Bizi sosial şəbəkələrdən izləyin!!
