Müəllif:Mehin Qasımova/Banco.az
Koreya Respublikası hökuməti Rusiya və Belarusa tədarük üçün ixrac nəzarəti siyahısına 682 növ mal əlavə edəcək.
Banco.az xəbər verir ki, müvafiq məlumat Ticarət, Sənaye və Energetika Nazirliyinin saytında dərc olunub.
Dəyişikliklər inzibati prosedurlardan sonra 2024-cü ilin əvvəlində qüvvəyə minəcək. Bundan sonra ixraca nəzarət siyahısı artaraq 1159 adda mal olacaq. Yeni qaydalar ağır tikinti texnikası, təkrar doldurulan akkumulyatorlar, təyyarə komponentləri və mühərrik həcmi 2 min kubmetrdən çox olan minik avtomobillərinə şamil ediləcək.
Əvvəllər qiyməti 50 min dollardan çox olan avtomobillərə məhdudiyyətlər qoyulurdu.
Məhdudiyyətlərin genişləndirilməsinin səbəbləri arasında bu əşyaların hərbi məqsədlər üçün istifadə edilməsinin “yüksək ehtimalı” daxildir. Ümumi qayda siyahıdakı əşyaların ixracına qadağa qoyulması olacaq.
Qeyd edək ki, Ukraynada xüsusi hərbi əməliyyata başlayandan sonra Koreya Respublikası Rusiyaya qarşı sanksiyalar tətbiq edib. Buna cavab olaraq Rusiya Koreya Respublikasını dost olmayan ölkələr siyahısına əlavə edib.
Bizi sosial şəbəkələrdən izləyin!!
