Beynəlxalq Valyuta Fondunun (IMF) Prezidenti Kristin Laqarde Ukraynaya 17,5 milyard dollar kredit veriləcəyini açıqlayıb.
Belçikanın paytaxtı Brüsseldə açıqlama verən xanım Laqarde kreditin Ukrayna hökumətinin yeni iqtisadi islahatlarını reallaşdırmasına dəstək üçün verildiyini deyib. Fond rəhbərinin sözlərinə görə, BVF-nin ayırdığı bu kredit ölkənin qısa müddətdə özünü toparlamasına yardımçı olacaq.
Proqramın müvəffəqiyyətli olacağına inandığını dilə gətirən Laqarde Ukrayna iqtisadiyyatının tam çökmədiyini vurğulayıb.
Xatırladaq ki, BVF ümumilikdə qarşıdan gələn 4 il ərzində Ukraynaya 40 milyard dollar kredit verməyi planlaşdırır.
xezerxeber.com
