Müəllif: Tamara Mustafayeva, Banco.az
BVF ilə Qana arasında 3 milyard dollarlıq 3 illik kredit paketi haqqında razılıq əldə olunub.
Banco.az xəbər verir ki, Beynəlxalq Valyuta Fondundan (BVF) verilən yazılı bəyanatda bildirilib ki, iyul ayında kredit tələb edən Qana hökuməti ilə BVF nümayəndə heyəti 3 milyard dollarlıq krediti əhatə edən yeni üç illik tənzimləmə ilə dəstəklənəcək iqtisadi siyasətlər və islahatlarla bağlı razılığa gəliblər.
Qana hökumətinin dövlət borcunun davamlılığını bərpa etmək məqsədini dəstəkləmək üçün hərtərəfli borc əməliyyatına başladığının qeyd olunduğu bəyanatda həmçinin vurğulanıb ki, fond tərəfindən dəstəklənən sözügedən proqramın BVF-nin İcraiyyə Şurasına təsdiq üçün təqdim edilməzdən əvvəl kifayət qədər təminat və irəliləyiş tələb olunacaq.
Xatırladaq ki, Qana üç il əvvəl başladılan "Yardımdan kənar Qana" kampaniyası çərçivəsində BVF proqramından çıxmışdı.
Bizi sosial şəbəkələrdən izləyin!!
