Müəllif: Tamara Mustafayeva, Banco.az
Razılaşmanın dayandırılması buğdanın qiymətini bahalaşdırıb.
Banco.az xəbər verir ki, Rusiya Qara dəniz sazişini dayandırdığını elan etdikdən sonra Çikaqo əmtəə birjasında buğda fyuçerslərinin qiyməti 5 faizdən çox artaraq 8,7 dollar olub.
Səhər saatlarında 8,9 dollara qədər bahalaşan qiymətlər oktyabrın 14-dən bəri qeydə alınan ən yüksək səviyyəni vurub.
Qarğıdalı fyuçerslərinin qiyməti də 2,2 faiz artaraq 6,96 dollar/buşelə çatıb. Soya isə 3 faiz bahalaşıb.
Xatırladaq ki, buğdanın qiyməti Rusiya-Ukrayna müharibəsinin tədarük problemlərini gündəmə gətirməsi və enerji qiymətlərindəki artımın da təsiri ilə mart ayında 13,6 dollara yüksələrək qlobal bazarlarda rekord qırmışdı.
Bizi sosial şəbəkələrdən izləyin!!
