Tamara Mustafayeva, Banco.az
Twitter 2020-ci ildə 3.7 milyard dollar dəyərində gəlir əldə edib.
Banco.az xarici mətbuata istinadla bildirir ki, Twitter ötən ilin dördüncü rübü üzrə balans hesabatını açıqlayıb. Sosial media nəhənginin ötən ilki gəliri 2019-cu ilə nəzərən 7% artmaqla 3.72 milyard dollara yüksəlib. Hesabata görə, şirkətin 2020-ci ilin sonuncu rübü üzrə əldə etdiyi gəlir isə əvvəlki ilin eyni dövrü ilə müqayisədə 28% artmaqla 1.29 milyard dollara çatıb.
Qeyd edək ki, Twitter ötən il ümumi olaraq 1.14 milyard dollar itki də yaşayıb. Bununla belə, 2020-ci ilin dördüncü rübündə platformadan gün ərzində aktiv istifadə edənlərin orta hesabla sayı əvvəlki ilin eyni dövrünə nəzərən 27% artaraq 192 milyona yüksəlib.
Bizi sosial şəbəkələrdən izləyin!!
