Niderlandın paytaxtı Amsterdamda yanvarın 1-dən etibarən turistlər üçün yeni vergi tətbiq edilib. Şəhərdə turistlər üçün bir gecə qalmaq 3 avroya başa gələcək. Sözügedən məbləğ cari turist vergisinə əlavə olaraq otaq qiymətinin 7 faizindən tutulacaq. Bununla yanaşı, ev alğı-satqısı, istirahət mərkəzlərinin bronlaşdırılması üzrə ixtisaslaşan sayt "Airbnb"da yaxşı yerləri bronlaşdıranlar gecəyə 10 faiz ödəməli olacaqlar.
Xatırladaq ki, Amsterdamda 1,1 mln. insan yaşayır. Həmçinin, hər il şəhərə 17 mln. insan gəlir. Hökumət turist axınını nəzarətdə saxlamaq istəyini ifadə edib.
Vergiler.az
