Müəllif:Mehin Qasımova/Banco.az
İngiltərədə kuryerlər 14 fevral Sevgililər Günündə tətil etmək qərarına gəliblər.
Banco.az xəbər verir ki, BBC-nin məlumatına görə, İngiltərədə dörd ərzaq və ərzaq sifarişi tətbiqi ilə əlaqəli kuryerlər, 14 fevral Sevgililər Günündə maaşların artırılması və iş şəraitinin yaxşılaşdırılması tələbi ilə 5 saatlıq tətil keçirəcəklər.
Kuryerlərin tətili İngiltərədə ərzaq və ərzaq sifarişlərini çatdırarkən aşağı əmək haqqı və pis iş şəraiti ilə üzləşən kuryerlərin vəziyyətinə diqqət çəkmək məqsədi daşıyır.
"Delivery Job UK" adlı qrup "İnstaqram" hesabında təşkil etdiyi işin dayandırılması ilə bağlı bir yazı paylaşaraq qeyd ediblər ki,qeyri-kafi maaşlar üçün dayanmadan işləməyə davam etmək əvəzinə hüquqlarımız üçün bir neçə saat fədakarlıq etmək prinsipial əhəmiyyət kəsb edir.
Tələblərinin sadə olduğunu bildirən qrup öz paylaşımında: "Gördüyümüz işin ədalətli ödənilməsini tələb edirik. Hər gün istismar olunmaqdan və həyatımızı riskə atmaqdan yorulmuşuq. Artıq səsimizin eşidilməsinin vaxtıdır"- deyə qeyd edib.
Bu gün ABŞ-da Uber və Lyft şirkətinin kuryerləri iki saatlıq tətil edəcəklər. Tətil qərarını elan edən “Tətbiq İşçiləri üçün Ədalət” adlı qrup ABŞ-da 130 mindən çox işçini təmsil edir.
Bizi sosial şəbəkələrdən izləyin!!
