Müəllif: Tamara Mustafayeva, Banco.az
Avstraliyada inflyasiya 1990-cı ildən bəri ən yüksək səviyyəyə çatıb.
Banco.az xəbər verir ki, Avstraliyada inflyasiya ilin III rübündə tikinti və təbii qaz qiymətlərinin artması ilə 32 ilin ən yüksək səviyyəsinə çatıb və bu, mərkəzi bankın yenidən faiz dərəcələrini artırmağa başlayacağını göstərir.
Ölkədə istehlak qiymətləri sentyabrda bitən rübdə 1,8 faiz artım göstərib. Bloomberg sorğusunda iştirak edən iqtisadçılar isə artımın 1,6 faiz olacağını proqnozlaşdırırdılar.
İllik inflyasiya 6,1 faizdən 7,3 faizə yüksəlib ki, bu da 1990-cı ildən bəri ən yüksək səviyyədir və işçilərin əmək haqqı artımının təqribən üç qatına bərabərdir.
Diqqətlə izlənilən nüvə inflyasiyası bu rübdə 1,8 faiz artaraq illik artımı 6,1 faizə çatdırıb. Bazar gözləntisi isə illik 5,5 faiz artım idi.
Avstraliya Ehtiyat Bankı (mərkəzi bank) faiz dərəcələrini ardıcıl dörd dəfə 50 baza bəndi artırdıqdan sonra bu ay faiz artımının sürətini yavaşladaraq 25 baza bəndi artırmaqla təəccüb yaratmışdı.
Bizi sosial şəbəkələrdən izləyin!!
