Müəllif - Aida İsaq, Banco.az
Rusiyada ötən il gübrə istehsalçıları sərvətlərini daha çox artırıb.
Banco.az xəbər verir ki, “Forbes”in məlumatına görə, 27 milyarderin sərvətində artım qeydə alınıb. Reytinqin lideri “Akron” mineral gübrə şirkətinin rəhbəri Vyaçeslav Kantor olub. Onunla yanaşı gübrələrin qlobal bahalaşmasından sonra Andrey Quryev də öz adını bu siyahıya yazdıra bilib. Beləliklə, V.Kantorun sərvəti 5,3 milyard dollar artaraq 13 milyard dollara çatıb. A.Quryevin sərvəti isə 11,5 milyard dollar (+4,2 milyard dollar) artıb. “DST Global” fondlarının sahibi Yuri Milner ən zəngin iş adamlarının ilk üçlüyünü tamamlayıb. Onun sərvəti il ərzində ümumilikdə 2,5 milyard dollar artaraq 7,3 milyard dollara çatıb.
İş adamları Andrey Melniçenko (EuroChem, SUEK) və Mixail Şelkov (VSMPO-Avisma) da reytinqin ilk 5-liyinə daxil olublar. Son bir ildə onların sərvətləri müvafiq olaraq 2,1 milyard və 1,6 milyard dollar artaraq 27,5 milyard və 5,8 milyard dollara çatıb.
Bizi sosial şəbəkələrdən izləyin!!
