Müəllif:Ayşən İmanova/Banco.az
Litva bir neçə il ərzində piyada və velosiped yolları şəbəkəsinin inkişafına 100 milyon avro sərmayə qoyacaq.
Banco.az xəbər verir ki, bu barədə Yerli Hökumətlər Assosiasiyasının prezidenti vəzifəsini icra edən Audrius Klişonis məlumat verib.
“Nəqliyyat və Rabitə Nazirliyi 2027-ci ilə qədər piyada və velosiped yollarının infrastrukturunun inkişafı üçün ayrılmış Avropa fondlarından 100 milyon avro ayırmaq qərarına gəlib”, - deyə assosiasiyanın nümayəndəsi bildirib.
Məlumata görə, bu vəsait 25 mindən çox əhalinin yaşadığı 18 bələdiyyəyə veriləcək.
Qeyd edək ki, Litvada velosiped yolları şəbəkəsi təxminən 3 min km-dir. 2035-ci ilə qədər 5 min km-ə çatdırılması planlaşdırılır.
Bizi sosial şəbəkələrdən izləyin!!
