Müəllif: Tamara Mustafayeva, Banco.az
Belçika yanvarın 1-dən birdəfəlik elektron siqaretlərin satışını qadağan edəcək.
Banco.az xəbər verir ki, Belçikanın Səhiyyə Naziri Frank Vandenbrouk deyib ki, ucuz elektron siqaretlər sağlamlıq üçün təhlükəyə çevrilir, çünki onlar gəncləri siqaret çəkməyə təşviq etmək və onları nikotinə aludə etmək üçün asan bir yoldur.
Vandenbrouk həmçinin birdəfəlik siqaretlərin tərkibindəki plastik və batareyaların da ətraf mühitə zərər verdiyini və onların təhlükəli tullantı kimyəvi maddələr yaratdığını vurğulayıb.
Qeyd edək ki, Belçika yanvarın 1-də “vape” kimi tanınan birdəfəlik elektron siqaretlərin satışını qadağan etdikdən sonra Avropa İttifaqı (Aİ) ölkələri arasında bu addımı atan ilk ölkə olacaq.
Bizi sosial şəbəkələrdən izləyin!!
