Müəllif:Ayşən İmanova/Banco.az
Böyük Britaniyada üzərində kral III Çarlzın təsviri olan 1 funt-sterlinqlik sikkə dövriyyəyə buraxılıb.
Banco.az xəbər verir ki, bu barədə Böyük Britaniya Kral Sikkəxanasının rəsmi saytında məlumat verilib.
Məlumata görə, 2,975 milyon funt-sterlinqlik sikkə artıq ölkə üzrə bank filiallarına göndərilib.
Bundan əvvəl üzərində kralın təsviri olan 50 penslik sikkələr artıq dövriyyəyə buraxılmışdı.
Xatırladaq ki, III Çarlz 2022-ci il sentyabrın 8-də II Elizabetin ölümündən sonra Britaniya taxtına oturub. Monarxın tacqoyma mərasimi 6 may 2023-cü ildə Londondakı Vestminster abbatlığında baş tutub.
Bizi sosial şəbəkələrdən izləyin!!
