Müəllif:Gülbəniz Hüseynli/Banco.az
Bir çox sahibkar mənfəət üçün risk götürərək planladıqları layihələri reallaşdırmaq üçün iqtisadi dəyər əldə etməyin yollarını axtarır. Öz işini qurmağı qarşısına məqsəd qoyan fərdlər yeni ideyalara yaradaraq başqaları üçün də motivasiya mənbəyi olurlar. Dünyada hər il milyonlarla şirkət qurulsa da, bu bizneslərin yalnız kiçik bir hissəsinin uğurlu olduğunu söyləyə bilərik.
Bəs biznes qurmaq istəyənlər haradan başlamalıdır?
Banco.az bu barədə olan vacib detalları təqdim edir:
Biznes planının hazırlanması
Yeni bir işə başlayarkən qabiliyyətlərinizə, maliyyə gücünüzə və hədəflərinizə uyğun olan yol xəritəsini müəyyən etmək çox vacibdir. Biznes planınızda öz biznesinizi qurarkən qarşılaşa biləcəyiniz mümkün problemləri və onların həlli ilə bağlı təklifləri də qiymətləndirə bilərsiniz.
Maliyyə gücü
Yeni bir işə başlamaq üçün lazım olan ilk şey kifayət qədər kapitala sahib olmaqdır. Əgər yüksək hədəfləriniz varsa, kapital əldə etməyin yollarını axtarmalısınız. Sizin biznes ideyalarınızı həyata keçirmək üçün kifayət qədər maliyyə gücünüz varsa, şirkətin yaranmasından sonrakı bir neçə il ərzində möhkəm addımlar ata bilərsiniz.
Sektor və bazar araşdırması
Sənaye və bazar araşdırmaları davamlı biznes planının əsasını təşkil edir. Bu araşdırma ilə biznesinizin gələcəkdə qarşılaşa biləcəyi mümkün problemləri və satışları artırmaq üçün hansı tədbirləri həyata keçirə biləcəyinizi müəyyən edə bilərsiniz.
Tərəfdaş və tərəfdaşların seçimi
Partnyorluq şirkəti quraraq kapitalın idarə edilməsi və biznesin təşkili kimi hədəflərinizə çata bilərsiniz. Mələk investorlar, böyümək və inkişaf etmək üçün səyahətlərinin əvvəlində biznes ideyaları olan sahibkarlara kapital təmin edirlər. Xüsusilə riski yüksək və böyümə potensialı yüksək olan şirkətlərin yaradılmasının ilkin mərhələsində mələk investorlardan aldıqları dəstəklə inkişaf etməsi mümkündür.
Məsləhət
Qazanclı biznes ideyalarını uğurlu təşəbbüslərə çevirmək üçün öz sahələri üzrə mütəxəssislərin təcrübəsindən yararlana bilərsiniz. Xüsusilə seçdiyiniz biznes başlanğıc ideyalarının çətinlik və mürəkkəblik səviyyəsindən asılı olaraq məsləhət xidməti almaq faydalı olardı .
Marketinq strategiyasının yaradılması
Kapitalın müəyyən edilməsi, biznes planı və tərəfdaşlıq seçimi kimi mərhələləri tamamladıqdan sonra kommersiya karyeranıza başlaya bilərsiniz. Müştəri tapmaq və satışlarınızı artırmaq üçün yaxşı marketinq strategiyası yaratmalısınız . Yaratdığınız yol xəritəsini addım-addım həyata keçirməlisiniz.
Rəqəmsal dünyada Fəaliyyət
Ticarət müəssisəniz üçün lazım olan prosesləri tamamladıqdan sonra, biznesinizi rəqəmsal dünyada aktiv və görünən etmək vaxtıdır. Bu mərhələdə şirkətiniz üçün internet saytının qurulması və sosial media hesablarının açılması lazım olan ən vacib addımlardır.
İstəyirsinizsə, reklam və SEO işləri edərək bir çox insanın asanlıqla və tez bir zamanda markanıza çatmasını təmin edə bilərsiniz. Yerli bir işə başlasanız belə, axtarış motorları üçün reklam və SEO işləri apararaq şirkətinizin gəlirliliyini artıra bilərsiniz .
Elektron ticarətlə məşğul olmaq
Son zamanların ən populyar biznes ideyaları arasında yer alan e-ticarət bir çox sahibkar tərəfindən üstünlük təşkil edir. Elektron ticarəti bu qədər populyar edən, şübhəsiz ki, əməliyyatın praktikliyidir. Evdə iş mühiti yaradaraq biznes ideyalarınızı tez və asanlıqla onlayn inkişaf etdirmək və e-ticarətə daxil olmaq mümkündür. İşinizi ev ofisinizdən idarə edib ciddi qazanc əldə edə bilərsiniz.
Bizi sosial şəbəkələrdən izləyin!!
