Etiraf edək ki, biznesi genişləndirmək və böyütmək həqiqətən çətindir. Çox səy tələb edir. Başlanğıcda siz eyni anda bir çox müxtəlif vəzifələrlə məşğul olmalı, satış və marketinqlə məşğul olmalı, maliyyə məsələləri üzərində düşünməli və hər zaman müştərilərlə əlaqə saxlamalısınız. Nümunələri çoxaltmaq mümkündür. Bir sözlə, bu proses, çox güman ki, günün sonunda sizi çaşdıracaq.
Öz imkanlarınızla yaratdığınız biznesinizi böyütmək üçün yuxarıdakı mövzulara ayrı-ayrılıqda diqqət etməlisiniz. Gəlin birlikdə biznesinizi necə böyüdə biləcəyinizin yollarından danışaq.
Məhsul və ya xidmətinizin keyfiyyətinə xüsusi önəm verin.
Biznesin qızıl qaydalarından biri keyfiyyət faktorudur. Təklif etdiyiniz məhsul və ya xidmətin keyfiyyəti sizin inkişafınız və biznesinizin böyüməsi üçün ən vacib amildir. Tanıtıma və satış formanızı müəyyən etməyə başlamazdan əvvəl keyfiyyətin maksimum olduğundan əmin olun. Keyfiyyətli məhsul özü-özünü reklam edir.
Sosial mediada daha aktiv olun.
Müasir zamanda sosial medianın gücünə hamımız şahid oluruq. Demək olar ki, bütün dünya trendləri sosial media kanallarından çıxır. Buna görə də biznesinizi tanıtmaq üçün sosial media sizə ilkin mərhələdə kifayət edəcək. Buna zaman ayıraraq sizin üçün vacib olan məqamları təqdimat şəklində hazırlayın, çatdırmaq istədiyiniz bütün məqamları qeyd edin. Məhsulunuzun üstünlüyünü sadə və estetik şəkildə potensial alıcılarınızla — izləyicilərinizlə paylaşın. Reklamdan istifadə edərək daha böyük kütləyə çata bilərsiniz. Geridönüşlərdən çox məmnun qalacaqsınız!
Satış prosesini inkişaf etdirin.
Keyfiyyətli məhsul və ya xidmət hazırladıqdan və onu tanıtmaq üçün minimumları yerinə yetirdikdən sonra məhsulunuzu və xidmətinizi daha əlçatan edin. Onlayn elan saytları vasitəsilə məhsulunuzu alıcıların rahatlıqla tapa biləcəyi şəkildə paylaşın. Biznesin böyüməsi üçün məhsulun və ya xidmətin daha çox yerdə təklif olunması lazımdır.
Dəqiq maliyyə sistemi hazırlayın.
Müştərilərinizin sayı və gəliriniz artdıqca maliyyənin idarəsi çətinləşir. Xidmətinizi nağd ödəmə ilə təklif etdiyiniz halda, kağız üzərindəki hesabatı yoxlayarkən diqqətli olmalısınız. Daha hesabatlı və sürətli ödəmə prosesi üçün elektron pulqabılardan istifadə edə bilərsiniz. Biznesinizi böyütmək üçün əməliyyatları sürətli və nağdsız aparabiləcəyiniz, hesabatı tək platformadan birbaşa əldə edə biləcəyiniz pulqabı tapın. PashaPay-ın m10 tətbiqi buna yaxşı misal ola bilər. İnkişaf üçün dəqiq hazırlanmış maliyyə sistemi ən vacib şərtdir.
Biznesinizin dəyərlərini paylaşın
Biznesi böyütmək üçün geniş alıcı kütləsinə məhsulunuzun və ya xidmətinizin gətirdiyi dəyərləri, müsbət dəyişiklikləri və sizə bu işi görməkdə motivasiya edən amilləri siyahı şəklində hazırlayın. Nəzərə alın ki, kütləvi alıcı kütləsi bir çox hallarda məhsulun və brendin missiyasına və gələcəyə baxışına, o cümlədən dəyərlərinə xüsusi diqqət yetirir.
Bizi sosial şəbəkələrdən izləyin!!
