Tamara Mustafayeva, Banco.az
Həftə sonu qısa müddətlik 48 min dollar səviyyəsini üstələyən bitkoin bu səviyyəyə yaxınlaşdıqca baş tutan mənfəət satışları səbəbindən yenidən ucuzlaşmağa başlayıb.
Banco.az xarici mətbuata istinadla bildirir ki, ən dəyərli kriptovalyuta hesab edilən bitkoin səhər saatlarında ötən 24 saat ərzində 2,6% ucuzlaşmaqla 46 min 247 dollara enib.
Ethereum da oxşar olaraq 3%-lik ucuzlaşma ilə 3 min 189 dollara düşüb.
Qeyd edək ki, ötən sutka ərzində bazar dəyəri baxımından ilk 100-ə daxil olan kriptovalyutaların 69%-ində dəyər itkisi müşahidə edilib.
Bizi sosial şəbəkələrdən izləyin!!
