Müəllif:Mehin Qasımova,Banco.az
Kriptovalyuta bazarlarına inam itkisi davam etdikcə bitkoinin qiyməti 85.000 dollardan aşağı düşüb.
Banco.az xəbər verir ki, məlumatlara görə, Bitkoin də daxil olmaqla qlobal kriptovalyuta bazarının dəyəri 24 saat ərzində təxminən 8,3 faiz azalaraq 2,87 trilyon dollara düşüb.
Bazar kapitallaşmasına görə ən böyük kriptovalyuta olan bitkoinin qiyməti də son 24 saat ərzində 9 faizdən çox azalaraq 2025-ci ilin aprelindən bəri ən aşağı səviyyəyə çatıb.
Dünən 83 243 dollara satılan bitkoin həftə ərzində 14% dəyər itirib. Bitcoin 2025-ci ilin aprelində ABŞ Prezidenti Donald Trampın tarifləri qlobal maliyyə bazarlarını silkələdikdən sonra 74.400 dollara qədər ucuzlaşmışdı. Bazar kapitallaşmasına görə ikinci yeri tutan Ethereum-un qiyməti də 10%-dən çox azalaraq 2717 dollara düşüb .
Analitiklər qeyd ediblər ki, faiz dərəcələri, levered mövqelərin boşaldılması və mənfəət əldə edilməsi ilə bağlı narahatlıqlar investorları kriptovalyuta bazarlarından uzaqlaşdırır.
İqtisadçılar ABŞ Federal Ehtiyat Sisteminin (FED) qısamüddətli dövrdə pul siyasətini yumşaldacağına dair gözləntilərin azalması, makroiqtisadi qeyri-müəyyənlik, korporativ çıxışlar və klassik mənfəət götürmənin satışa təkan verən amillər olduğunu bildiriblər.
