Müəllif:Mehin Qasımova,Banco.az
Gündə təxminən 3-3,5 milyon barel neft hasil edən Birləşmiş Ərəb Əmirlikləri (BƏƏ) 1 may tarixindən etibarən OPEC-dən və OPEC+ sazişindən çıxdığını elan etdi.
Banco.az xəbər verir ki, BƏƏ-dən bildirilib ki, bu qərar BƏƏ-nin istehsal siyasətinin, eləcə də mövcud və gələcək imkanlarının hərtərəfli nəzərdən keçirilməsindən sonra qəbul edilib.
BƏƏ hökuməti vurğulayıb ki, Ərəbistan körfəzi və Hörmüz boğazındakı fasilələr də daxil olmaqla, qısamüddətli dəyişkənlik təchizat dinamikasına təsir göstərməyə davam etsə də, əsas tendensiyalar orta və uzunmüddətli perspektivdə qlobal enerji tələbatında güclü artıma işarə edir.
