Bayram və istirahət günləri hamı üçündür. Bizim istirahətə ehtiyacım olduğu qədər də bank əməkdaşlarının da fasilə edib, dincəlməyə ehtiyacı vardır. Lakin əksər xidmət sahələrində olduğu, bank sektoru da tamamı ilə tətilə yollana bilmir, çünki pul ilə bağlı məsələlər öz zəruriliyi ilə seçilir. Nəzərə alsaq ki, qalan bütün günləri işləyən əhali özlərinin bəzi ehtiyaclarını məhz bayram günlərində qarşılamağı düşünürlər, bu sırada “banka gedərək, müxtəlif problemləri həll etmək” məsələsi də dayanır.

Beləliklə hansı banklar bayram günlərində xidmət göstərəcək?

Qeyd etmək istəyirik ki, Bank Respublikanın Ofis 24 filialı ölkədə 24 saat ərzində fasiləsiz xidmət göstərən yeganə bank filialıdır.

Bununla yanaşı ASB Bankın Park Bulvar filialı və Yapı Kredi Bankın Nərimonov filialı istər bu bayram günlərində, istər də bütün il boyu şənbə və bazar günlərində müştərilərinə xidmət göstərirlər.

Digər banklarımız isə Martın ayının 20-si və 21-də fəaliyyət göstərməyəcək. Qalan bayram günlərindəki iş qrafiki ilə isə aşağıda tanış ola bilərsiniz.

Kapital Bankın işləyəcək filialları - Bakı, Sumqayıt, Gəncə şəhərində və Abşeron, Sabirabad, İmişli, Ağdam, Kəpəz, Saatlı, Xaçmaz, Cəlilabad, Lənkəran, Zaqatala rayonlarında olan filiallar

NBC Bankın işləyəcək filialları - Mərkəz, Yasamal, Gənclik, Sumqayıt və region filialları

Könül Soltanova/ Banco.az