Keyfiyyət önəmlidir. Hər bir şirkət üçün günümüzün ən önəmli keyfiyyət göstəricisi müştəri məmnuniyyətidir.

Banklar da öz müştərilərinə müxtəlif xidmətlər göstərirlər.  Xidmətin keyfiyyəti müştərinin həmin banka olan etimadını və inamını artırır.  Bunlardan biri də onların veb səhifələrində yerləşən online dəstək xidmətidir.

Bəzən saytlarda axtardığımız şeyi tapa bilmirik və ya komputerin başından ayrılmadan sualımızı ünvanlamaq üçün birinə ehtiyac duyuruq. Bu zaman bizim köməyimizə online məsləhət bölməsi çatır.

Bəs bankların online məsləhət bölməsi necə işləyir?

Bu gün, yuxarıda danışdıqlarımızdan aydın olduğu kimi bankların online dəstək xidmətlərinin keyfiyyətini araşdırdıq. Belə ki, bankların saytlarında yerləşən online suallara cavab və xidmət bölməsinə daxil olaraq müştəri qismində onlara sual ünvanladıq. Sualımız isə belə oldu:

 “Bankınızda hazırda kredit verilirmi, verilirsə kreditin əldə edilmə şərtləri necədir?”

Müxtəlif cavablar aldıq və xidmətin keyfiyyətini müəyyən etmək üçün keyfiyyət kateqoriyaları müəyyən edərək hər birini qiymətləndirdik. Əsas keyfiyyət kateqoriyalarımız:

Cavab vermə müddəti – söhbətə dərhal qosulma və operativlik

Cavabların dolğunluğu – cavabların sualımızı dolğun şəkildə əhatə etməsi

Qiymətləndirməni isə maksimum 5 bal, minimum 0 bal verməklə etdik.

Aşağıdakı cədvəldən isə əsas qiymətləndirməmizi görə bilərsiniz:

Yüksək nəticə göstərən və tam operativ xidmət sərgiləyən banklarımız çox oldu, bu da müştəri kimi onlara olan məmnunluğumuzu artırdı. Bu isə bankları 1 addım öndə edən müxtəlif keyfiyyətlərdən biridir.

Bəzi banklarda isə bu bölmə tamamilə yoxdur. Ümid edirik ki, onlarda da tezliklə bu bölmə fəaliyyətə başlayacaq.