2020-ci ilin Yanvar ayı ərzində Azərbayacanda əməkhaqqı kartlarının sayı 39 min ədəd artıb

2020-ci ilin Yanvar ayının sonunda Azərbaycanda cəmi ödəniş kartlarının sayı 7 milyon 713 min ədəd təşkil edib.

Ötən ilin sonu ilə müqayisədə Yanvarda cəmi ödəniş kartlarının sayı 447 min ədəd artıb. Kartların sayında artımın böyük hissəsi fermer kartlarının verilməsi ilə əlaqədardır. Belə ki, Yanvarda sosial kartların sayı 324 min ədəd artaraq 2 milyon 707 min ədədə yüksəlib. Qeyd edək ki, fermer kartları sosial kart hesab edilir.

Yanvarda əməkhaqqı kartlarının sayı 39 min ədəd artaraq 2 milyon 355 min ədədə, əməkhaqqı və sosial kart olmayan digər debet kartlarının sayı 53 min ədəd artaraq 1 milyon 822 min ədədə, kredit kartlarının sayı isə 32 min ədəd artaraq 829 min ədədə çatıb. 

Diqqəti çəkən son 3 ayda kredit kartlarının sayının 78 min ədəd artmasıdır.

2019-cu ilin Yanvar ayı ilə müqayisədə isə (12 ayda) cəmi ödəniş kartlarının sayı 1 milyon 163 min ədəd, o cümlədən, əmək haqqı kartlarının sayı 302 min ədəd, sosial kartların sayı 187 min ədəd, sosial və əməkhaqqı kartı olmayan digər debet kartların sayı isə 718 min ədəd artıb, kredit kartlarının sayı isə 44 min ədəd azalıb.

Qeyd edək ki, əməkhaqqı kartlarının sayındakı artıma işçilərin rəsmiləşdirilməsi üzrə həyata keçirilən tədbirlər təkan verib.

marja