“Bank Technique” ASC-nin İdarə Heyətinin sədri təyin edilib.
“Bank Technique” ASC-nin Müşahidə Şurasının qərarı ilə, Eldar Hüseyn oğlu Cəfərov Bankın İdarə Heyətinin sədri vəzifəsinə təyin edilib.
Eldar Cəfərov 1974-cü ildə Tovuz şəhərində anadan olub. 1990-1995-ci illərdə Azərbaycan Dövlət İqtisad Universitetində təhsil alıb. O, 2009-cu ildə ABŞ-ın Bankirlər Assosiasiyasının Stonier ali bank məktəbinin məzunu olub.
1995-ci ildən Azərbaycanın bank-maliyyə sektorunda müxtəlif vəzifələrdə çalışmış E. Cəfərovun Azərbaycanın nüfuzlu bank olmayan kredit təşkilatların – “Cred Agro” və "Mol Bulak"ın yaradılmasında və idarəetməsində müstəsna rolu olub.
Qeyd edək ki, “Bank Technique”ə təyinat aldıqdan əvvəl Eldar Cəfərov “Mol Bulak” BOKT-ın direktoru vəzifəsini icra edib.
