Müəllif: Gülnar Əhmədli, Banco.az
Ölkənin aparıcı banklarından olan "Bank of Baku" 2025-ci ilin birinci rübündə 7 milyon 143 min manat xalis mənfəət əldə edib. Bankın xalis mənfəəti ötən ilin birinci rübü ilə müqayisədə 2 dəfə artıb.
Banco.az Bankın maliyyə hesabatına istinadən xəbər verir ki, bu dövrdə Bankın aktivlərinin həcmi 1 milyard 5 milyon 59 min manat olub ki, bu da ötən ilin sonu ilə müqayisədə 70 milyon 786 min manat və ya 7,6% çoxdur.
Hesabat dövrünə Bankın kredit portfelinin həcmi 777 milyon 43 min manat, depozit portfelinin həcmi isə 618 milyon 467 min manat olub. Bunlar 2024-cü ilin sonu ilə müqayisədə müvafiq olaraq 16 milyon 619 min manat (2,2%) və 25 milyon 953 min manat (4,5%) çoxdur.
Hesabat dövründə bankın faiz gəlirlərinin məbləği illik müqayisədə 5 milyon 512 min manat (15,7%) artaraq 40 milyon 728 min manata, faiz xərclərinin həcmi isə 1 milyon 858 min manat (14%) artaraq 15 milyon 100 min manata yüksəlib.
31 mart 2025-ci il tarixinə bankın məcmu kapitalı 155 milyon 165 min manat təşkil edib ki, bu da Mərkəzi Bankın məcmu kapital tələbini (50 milyon manat) 3,1 dəfə üstələyir.
Bizi sosial şəbəkələrdən izləyin!!
