İyunun 1-də "Bank BTB" ASC-nin səhmdarlarının illik ümumi yığıncağı keçiriləcək.
"Report" Məlumatların Elektron Açıqlanması Sisteminə istinadən xəbər verir ki, yığıncaq saat 11:00-da Bankın Bakı şəhəri, Xətai rayonu, Yusif Səfərov, 27 ünvanında yerləşən baş ofisində olacaq.
Səhmdarlar yığıncağın gündəliyi ilə baş ofisdə tanış ola bilərlər.
Xatırladaq ki, “Bank BTB” 2010-cu ildə yaradılıb. Onun nizamnamə kapitalı 66,45 mln. manatdır. Bankın səhmdarları Nigar İsmayıl qızı Mehdiyeva, Rza İsmayıl oğlu Sadiq (Müşahidə Şurasının sədri) və Tükəzban Ağa qızı Mahmudovadır.
