“Bakı Metropoliteni” böyük zərər açıqladı | Banco.az

“Bakı Metropoliteni” böyük zərər açıqladı

“Bakı Metropoliteni” QSC 2018-ci ili 54 milyon 871 min manat zərər ilə başa vurub. Bu, əvvəlki illə müqayisədə 11,75% azdırBelə ki, QSC 2017-ci ili 62 milyon 180 min manat zərər ilə bağlamışdı.

Ötən ilki zərər daxil “Bakı Metropoliteni”nin yığılmış zərəri 426 milyon 610 min manata çatıb. 

 

SƏRNİŞİNDAŞIMADAN GƏLİRİ ARTIB

Ötən il “Bakı Metropoliteni” sərnişindaşımadan 54 milyon 186 min manat gəlir əldə edib. 2017-ci illə müqayisədə 2018-ci ildə sərnişindaşımadan gəlirlər 9 milyon 864 min manat və ya 22,2% artıb. 2017-ci ildə sərnişindaşımadan gəlirlər 44 milyon 322 min manat təşkil etmişdi.

Ən sərfəli kredit üçün müraciət et

Eyni zamanda, ötən il “Bakı Metropoliteni” büdcədən 48 milyon 800 min manat subsidiya alıb (2017-ci ildə büdcədən 45 milyon manat subsidiya almışdı), 5 milyon 763 milyon manat sair gəlirlər əldə edib.

Ötən il də xərclər gəlirləri üstələdiyindən “Bakı Metropoliteni” zərərdən çıxa bilməyib. 2018-ci ildə “Bakı Metropoliteni” QSC-nin 108 milyon 749 min manat cəmi gəlirlərinə qarşılıq cəmi xərcləri 163 milyon 620 min manat təşkil edib. Bu səbəbdən 54 milyon 871 min manat zərər yaranıb.

Marja

Ən sərfəli krediti almaq üçün müraciət et