Müəllif - Fərid İslamov - Banco.az
Çin internet nəhəngi Baidu Inc., öz robot taksi xidməti olan Apollo Go-nu Yaxın Şərqə genişləndirir. Bu barədə MarketWatch, Baidu-nun mətbuat məlumatına istinadən xəbər verib.
2025-ci ilin sonuna qədər Dubayda tamamilə avtonom işləyən təxminən 100 Apollo Go avtomobili fəaliyyət göstərəcək. Şirkət 2028-ci ilə qədər Dubaydakı avtomobil parkını ən azı 1 minə çatdırmağı planlaşdırır.
MarketWatch qeyd edir ki, Apollo Go xidməti ilk dəfə olaraq materik Çindən və Honq-Konqdan kənardakı bazara çıxır.
Daha əvvəl, başqa bir Çin robot taksi operatoru olan WeRide, BƏƏ-də Uber Technologies Inc. ilə tərəfdaşlıq elan etmişdi. Şirkətlər, bu ilin ortalarına qədər Əbu-Dabidə ən azı 50 avtonom avtomobil təqdim etməyi planlaşdırır.
