Müəllif: Gülnar Əhmədli, Banco.az
2023-cü ilin 6 ayı üzrə xarici dövlətlərlə Azərbaycanın iqtisadi əlaqələrində xidmətlərin ümumi həcmi 6.9 mlrd. dollar təşkil edib.
Banco.az Mərkəzi Banka istinadən xəbər verir ki, bunun 4 mlrd. dolları qeyri-rezidentlər tərəfindən Azərbaycanın rezidentlərinə, 2.9 mlrd. dolları isə Azərbaycan rezidentləri tərəfindən xarici ölkələrin rezidentlərinə göstərilən xidmətlərdir.
Ümumilikdə, xidmətlər balansında yaranan kəsir 16.4% azalaraq 1.1 mlrd. dollar olub. Neft-qaz sektoru üzrə xidmətlər balansının (əsasən tikinti xidmətləri və digər işgüzar xidmətlər) kəsiri 979.1 mln. dollar (1.1% artım) olub. Qeyri-neft-qaz sektoru üzrə xidmətlər balansının kəsiri isə 134.7 mln. dollar (63.0% azalma) olub.
Bizi sosial şəbəkələrdən izləyin!!
