Cari ilin yanvar-iyul aylarında Azərbaycan MDB ölkələri arasında ən çox Rusiyaya məhsul ixrac edib.
Dövlət Gömrük Komitəsindən bildirilib ki, Azərbaycanın yeddi ayda MDB ölkələri arasında ən çox məhsul ixrac etdiyi ölkələr Rusiya, Ukrayna və Türkmənistandır. Rusiyaya ixrac olunan məhsulların dəyəri 423 milyon 234 min ABŞ dolları, Ukraynaya 270 milyon 31 min dollar, Türkmənistana isə 14 milyon 502 dollar olub.
Qeyd edək ki, cari ilin yeddi ayında Azərbaycandan 2551 çeşiddə mal ixrac olunub.
Bu ilin yeddi ayında Azərbaycanda ixrac əməliyyatlarının dəyəri 12 milyard 267 milyon 714 min ABŞ dolları olub.
Marja
