Azərbaycanda futbolçuların orta illik əmək haqqı nə qədərdir? - AÇIQLAMA | Banco.az

Azərbaycanda futbolçuların orta illik əmək haqqı nə qədərdir? - AÇIQLAMA

Azərbaycan Premyer Liqasında futbolçuların orta illik əmək haqqının məbləği açıqlanıb.

“Sporting Intelligence”nin hesablamalarına əsasən, elita klubları 2018-ci ildə oyunçulara orta hesabla 52 min 638 avro ödəyiblər. Azərbaycan bu göstərici ilə siyahıda 40-cı pillədə qərarlaşıb və Cənubi Afrika Respublikası (54 min 137 avro) ilə Bolqarıstanın (46 min 58 avro) arasında yer alıb.

Dünyanın 68 ölkə çempionatının qeyd olunduğu siyahıya İngiltərə Premyer Liqası başçılıq edir. Burada orta illik əmək haqqı 3,47 milyon avro təşkil edir. İspaniya La Liqası 2,55 milyon avro ilə ikinci, İtaliya A seriyası isə 1,76 milyon avro ilə üçüncü sıradadır.

Növbəti pillələrdə ardıcıllıqla Almaniya Bundesliqası (1,61 milyon avro), Fransa Liqa 1-i (1,15 milyon avro), Çin Super Liqası (926 min avro), Rusiya Premyer Liqası (774 min avro) və Türkiyə Super Liqası (763 min avro) yer alıb.

Ən sərfəli kredit üçün müraciət et

Azərbaycan postsovet məkanında 4-cü sıradadır. Ölkədə futbolçuların maaşları Rusiyadan savayı, Ukrayna (191 min 238 avro) və Qazaxıstandan (146 min 520 avro) geri qalır. Bu iki ölkə müvafiq olaraq, 22 və 25-ci pillələrdədirlər.

Belarus 31 min 589 avro ilə 44-cü, Gürcüstan 13 min 403 avro ilə 50-ci, Ermənistan isə 2 min 619 avro ilə 67-ci yerdə qərarlaşıb. Sonuncu pillədə isə 2 min 528 avro göstərici ilə San Mariondur.

© Report

Ən sərfəli krediti almaq üçün müraciət et