Azərbaycanda BOKT-lar nə iş görür?

Müəllif:Gülbəniz Hüseynli/Banco.az

Bank olmayan kredit təşkilatı (BOKT) xüsusi razılıq (lisenziya) əsasında kreditlərin verilməsi və Bank olmayan kredit təşkilatları haqqında Azərbaycan Respublikasının Qanununda nəzərdə tutulan fəaliyyət növlərini həyata keçirən ixtisaslaşmış kredit təşkilatıdır.

BOKT-nin fəaliyyəti Azərbaycan Respublikasının Konstitusiyası, bu Qanun, Azərbaycan Respublikasının Mülki Məcəlləsi, "Azərbaycan Respublikasının Mərkəzi Bankı haqqında" Azərbaycan Respublikasının Qanunu, Azərbaycan Respublikasının digər qanunları və normativ hüquqi aktları, Azərbaycan Respublikası Mərkəzi Bankının (bundan sonra -Mərkəzi Bank) normativ xarakterli aktları ilə və Azərbaycan Respublikasının tərəfdar çıxdığı beynəlxalq müqavilələrlə tənzimlənir.

BOKT-nin adında "bank olmayan kredit təşkilatı" sözləri olmalıdır. Bu təşkilatlar da banklar kimi öz filiallarını və nümayəndəliklərini aça bilər.

BOKT aşağıdakı fəaliyyət növlərini də həyata keçirə bilər:

Kreditlərin verilməsi
Faktorinq;
Forfeytinq;
Lizinq;
Veksellərin uçotu;
Qarantiyanın verilməsi;
Sığorta agenti xidmətinin göstərilməsi;
Borcalanlara, o cümlədən birgə borcalan qruplarına maliyyə, texniki və idarəetmə məsələləri üzrə məsləhət xidmətinin göstərilməsi.

BOKT-lara lisenziya hansı formada verilir?

• Kreditlərin verilməsi üçün BOKT Mərkəzi Bankdan xüsusi razılıq (lisenziya) almalıdır.

• Girov əmanəti qəbul etmək üçün BOKT-un lisenziyasında bu barədə xüsusi icazə olmalıdır.

• Belə icazə olmadan BOKT-un girov əmanəti qəbul etməsi qadağandır.

• BOKT-a verilən lisenziya müddətsizdir.

• Lisenziya Mərkəzi Bank tərəfindən verildiyi gündən qüvvəyə minir.

• Lisenziya yalnız onu almış BOKT tərəfindən istifadə edilə bilər.

BOKT-ların maliyyələşdirmə mənbələri hansılardır?

• Nizamnamə (şərikli) kapitalı (əmlak haqları) və əldə edilmiş gəlirlər.

• Cəlb edilmiş kreditlər.

• Fiziki və hüquqi şəxslərin ianələri, qrantları və digər formalarda əvəzsiz olaraq ayırdıqları vəsaitlər.

• Qanunvericilikdə qadağan olunmayan digər mənbələrdən əldə edilən vəsaitlər.

• Beynəlxalq təşkilatlar, xarici ölkələrin hökumətləri və digər donorlar tərəfindən əvəzsiz olaraq ayrılan vəsaitlər, habelə onlardan əldə olunan gəlirlər BOKT-lər tərəfindən Azərbaycan Respublikasından kənara çıxarılmamalıdır.

Banco.az AMB-yə istinadla Azərbaycanda hazırda fəaliyyət göstərən BOKT-ların siyahısını təqdim edir:

“Azərbaycan Mikro-Kredit BOKT” ASC

BOKT “Azəri Star Mikromaliyyə” MMC

BOKT "AzFinans" MMC

“AZİNVESTKREDİT BOKT” MMC

“Azmikroinvest BOKT” MMC

“Aqrarkredit” QSC BOKT

“ASEL Kredit” BOKT MMC

BOKT “EMBAFİNANS” QSC

“Brand Credit BOKT” MMC

“BOKT İDK” MMC

“Caspian Finance BOKT” MMC