Azərbaycanda fəaliyyət göstərən 30 bankdan 4-nün bu il oktyabrın 1-nə balans kapitalı 300 milyon manatdan çox olub.
Bunlar "Azərbaycan Beynəlxalq Bankı" (1 milyard 491 milyon 341 min manat), "PAŞA Bank" (469 milyon 109 minn manat), "Xalq Bank" (408 milyon 387 min manat) və "Kapital Bank"dır (392 milyon 63 min manat).
Qalan 26 bankdan 4-də balans kapitalı 100-200 milyon manat arasında, 21 bankda 10-100 milyon manat arasında, 1 bankda - Pakistan Milli Bankının Bakı filialında isə 10 milyon manatdan azdır.
Azərbaycanda 8 bankın balans kapitalı azalıb
Azərbaycanda fəaliyyət göstərən 30 bankdan 8-nin bu il oktyabrın 1-nə balans kapitalı illik müqayisədə az olub.
Bunlar "Atabank", "NBC Bank", Pakistan Milli Bankının Bakı filialı, "Nikoyl Bank", "Premium Bank", "Express Bank", İran Milli Bankının Bakı filialı və "Amrah Bank"dır. Ən az azalma "Atabank"da (1,3%), ən çox azalma isə "Amrah Bank"da (64,4%) qeydə alınıb.
Qalan 22 bankın isə balans kapitalı artıb. Ən yüksək dinamika "Bank of Baku"da (81,1%), ən aşağı dinamika isə "Günay Bank"da (2,2%) qeydə alınıb.
"Renkinq"
