Bu ilin yanvar-mart aylarında Azərbaycandan xaricə 4,867 mln. ton xam neft ixrac edilib.
Dövlət Gömrük Komitəsinə istinadən xəbər verilir ki, bu, ötən ilin eyni dövrü ilə müqayisədə 10,5% azdır.
Əvəzində Azərbaycan xam neft ixracından gəlirlərini artırıb. Belə ki, 3 ay ərzində xaricə satılmış “qara qızıl”ın dəyəri 1,988 mlrd. ABŞ dolları olub ki, bu da illik müqayisədə 46,9% çoxdur.
Qeyd edək ki, hesabat dövründə xam neft ixracı Azərbaycanın ümumi ixracında 76,3%-lik paya malik olub.
Mənbə: Report.az
