"Azərbaycan Rusiyaya 1,2 milyard dollar sərmayə qoyub" | Banco.az

"Azərbaycan Rusiyaya 1,2 milyard dollar sərmayə qoyub"

"Rusiya Azərbaycanın əsas ticarət tərəfdaşlarından biridir, qeyri-neft məhsullarının idxalı üzrə birinci yeri tutur."

Bunu Rusiya Federasiyasında rəsmi səfərdə olan Azərbaycan Respublikasının Birinci vitse-prezidenti Mehriban Əliyeva noyabrın 21-də Rusiya Federasiyası Hökumətinin sədri Dmitri Medvedevlə görüşdə bildirib.

Əliyeva, "Əgər biz göstəricilərə baxsaq, onlar böyük nikbinlik doğurur", deyərək sözlərinə belə davam edib:

"Biz hər il artım qeyd edirik, əmtəə dövriyyəsi artır. Ötən il 19 faiz artım olub və 2,6 milyard ABŞ dolları təşkil edib. Bu ilin 9 ayında isə artım 24 faizə çatıb. Yəni, bu göstəricilər olduqca nikbindir. Qarşılıqlı sərmayə qoyuluşu artır. Azərbaycan iqtisadiyyatına yatırılan Rusiya sərmayələrinin həcmi 4,9 milyard dollardır, Azərbaycan Rusiyaya 1,2 milyard dollar sərmayə qoyub. Mühüm olan odur ki, hökumətlərarası komissiyanın təhlilinə görə, bu potensialdan tam şəkildə istifadə edilməyib, daha 2-3 dəfə artım mümkündür.

Ən sərfəli kredit üçün müraciət et

Azərbaycan Respublikasının Birinci vitse-prezidenti əlavə edib ki, turizm sahəsində yaxşı göstəricilər var. Rusiyadan bizim ölkəmizə səyahət edən turistlərin sayı artır. Ötən il 900 min rusiyalı Azərbaycanda olub. Cari ildə həmin göstəricinin artacağı gözlənilir.

Qeyd edək ki, Birinci vitse-prezident Mehriban Əliyevanın Rusiyaya səfəri çərçivəsində Rusiya regionlarının böyük bir hissəsinin iştirak edəcəyi X regionlararası forum keçiriləcək.

marja

Ən sərfəli krediti almaq üçün müraciət et