2018-ci ildə Azərbaycan iqtisadiyyatının artımı 1,7 faiz, 2019-cu ildə 2 faiz təşkil edəcək.
Bu barədə Asiya İnkişaf Bankının hesabatında deyilir.
Bank artımla bağlı proqnozu əvvəlki hesabatla müqayisədə dəyişməyib.
Hesabata əsasən, 2018-ci ilin yanvar-iyun aylarında Azərbaycan iqtisadiyyatı 1,3 faiz artıb. Ötən ilin eyni dövründə isə 1,3 faiz azalma qeydə alınmışdı.
2017-ci ilin ilk altı ayı ilə müqayisədə bu ilin yanvar-iyun aylarında neft sektoru 0,1 faiz, qeyri-neft sektoru 2 faiz artıb. Sənaye sektoru 1,2 faiz, kənd təsərrüfatı 7,6 faiz artıb.
Bundan başqa, bank öz hesabatında tədiyə balansının cari əməliyyatlar hesabının profisiti üzrə proqnozu 2018-ci il üçün ÜDM-in 6,9 faizindən 7,9 faizinədək, 2019-cu il üçün ÜDM-in 6,2 faizindən 10,9 faizinədək yaxşılaşdırıb.
marja.az
