Bəzi insanlar banklara etibar etmədiklərindən pulları banka yerləşdirməyə ehtiyat edirlər. Bunun əsas səbəbi isə bankların müflis olma təhlükəsidir. Banka vəsait yerləşdirən insanların isə əsas diqqət yetirməli olduqları məqam isə depozitlərin sığortalanmasıdır.

Lakin banklara yerləşdirilən bütün vəsaitlər sığortalanmır. Sığortalanan depozitlər iki kriteriya üzrə fərqləndirilir.

• Birinci amil depozitin məbləğidir. Belə ki, yalnız 30 000 AZN-ə qədər depozitlər sığortalana bilər.
• İkinci amil isə faizlərdir. Ancaq illik 9%-ə qədər qoyulan depozitlər sığortalanır.

Əgər sizin depozitlər yuxarıdakı hər iki tələbi ödəyirsə, onda deməli sizin depozitiniz sığortalıdır.

Hazırda bəzi bankların bağlanma təhlükəsi və ya bank olmayan kredit təşkilatlarına çevrilmə təhlükəsi vardır. Bu səbəblə də depozitlərin həcmində azalma müşahidə edilir. Lakin əgər sizin depozitiniz sığortalı depozitdirsə, onda qorxmağa dəyməz. Belə ki, Azərbaycanın “Banklar haqqında qanun”a əsasən bankların ləğv edilməsi zamanı əvvəlcə sığortalı depozitlər üzrə öhdəliklər yerinə yetirilir.

Ümumilikdə, insanlar vəsaitlərini əsasən daha yüksək faiz təklif edən banklara yerləşdirirlər. Lakin onu nəzərə almırlar ki, banklar daha çox müştəri cəlb edərək rəqabətdə qalib gəlməklə yanaşı, əsasən sərbəst maliyyə vasitələrinə olan ehtiyaclarını qarşılamaq məqsədilə daha yüksək faiz dərəcəli depozitlər təqdim edir. Buna görə də, hansı bankda depozit yerləşdirəcəyinizə qərar verərkən bir neçə məqama diqqət yetirilməlidir.

Ən yüksək faiz dərəcəli depozitlər