Oktyabrın 16-da “AXA Mbask” Sığorta Şirkəti ASC-nin səhmdarlarının növbədənkənar ümumi yığıncağı keçiriləcək.
Yığıncaq saat 10:00-da şirkətin Bakı şəhəri, Nobel prospekti, 15, “AZURE” Biznes Mərkəzində yerləşən şirkətin ofisində olacaq.
Yığıncağın gündəliyinə cari məsələlər daxildir. Əlaqələndirici şəxs Teymur Kərimovdur ( tel: (012) 596 55 70 (daxili 336).
Xatırladaq ki, “AXA-Mbask” 1992-ci ildə “Mbask” sığorta şirkəti kimi fəaliyyətə başlayıb, 2010-cu ildə əsas səhmdarının dəyişməsi ilə əlaqədar rebrendinq edib. Onun nizamnamə kapitalı 19 733 738 manatdır. Şirkətin səhmləri 100% Fransanın “AXA” qrupunun İspaniyadakı törəmə cəmiyyəti olan “AXA Seguros Generales, S.A., De Seguros Y Reaseguros”a məxsusdur.
Mənbə: Report.az
