Müəllif: Tamara Mustafayeva, Banco.az
Avropa Mərkəzi Bankından (ECB) faiz artımı mesajları gəlməyə davam edərkən, Avrozonada baza inflyasiyası rekord səviyyələrə çatıb.
Banco.az xəbər verir ki, Avrozonda ötən ay illik baza inflyasiyası 5,6 faiz təşkil edib. “Bloomberg”in sorğusunda iştirak edən iqtisadçılar bu göstəricinin 5,3 faiz olacağını gözləyirdilər.
Baza inflyasiyasında rekord qeydə alınarkən, başlıq inflyasiyası da proqnozları üstələyib.
Fevral ayında Avrozonada istehlak qiymətləri əvvəlki ilin eyni dövrü ilə müqayisədə isə 8,5 faiz artıb. Bu göstərici üçün proqnoz 8,3 faiz olaraq qeyd edilirdi.
Qiymətlər sözügedən dövrdə aylıq olaraq da 0,8 faiz artıb.
Bizi sosial şəbəkələrdən izləyin!!
