Müəllif: Tamara Mustafayeva, Banco.az
Avrozonada iqtisadi aktivlik avqust ayından bəri ilk dəfə yanvar ayında artıb.
Banco.az xəbər verir ki, “S&P Global” və Hamburq Ticarət Bankının (HCOB) Avrozonanın yanvar ayına dair kompozit və xidmət sektoru Satınalma Menecerləri İndeksi (PMI) göstəricilərinə görə, yanvar ayında Avrozonada istehsal bir qədər artıb.
Beləliklə, Avrozonanın iqtisadiyyatı yanvar ayında ötən ilin avqust ayından bəri ilk dəfə olaraq artım nümayiş etdirib.
Dekabr ayında 49,6 səviyyəsində olan Avrozonanın kompozit PMI göstəricisi yanvarda 50,2 punkta yüksəlib. Bununla da, kompozit PMI son 5 ayın ən yüksək səviyyəsinə çatıb. Bundan əlavə, Avrozonada dekabrda 51,6 olan xidmət sektoru PMI göstəricisi yanvarda 51,3 səviyyəsində ölçülüb.
PMI göstəricisində 50 baldan yuxarı dəyər böyüməni, aşağı dəyər isə daralmanı ifadə edir.
Bizi sosial şəbəkələrdən izləyin!!
