Avropa Statistika Ofisi (Eurostat), Avropa Birliyi (AB) və Avro Bölgəsinin yanvarında illik inflyasiya göstəricilərini dərc edib.

AB-də dekabrda 1,6 faiz olan illik inflyasiya, yanvarda 1,5 faizə geriləyib. Avro Bölgəsində isə bir əvvəlki ay 1,5 faiz olan inflyasiya, yanvarda 1,4 faizə enib.

AB-nin üzvü olan ölkələr arasında yanvar ayında ən yüksək inflyasiya 3,2 faiz ilə Rumıniyada, 2,9 faiz ilə Latviyada və 2,8% ilə Macarıstan və Estoniyada baş verib.

Sözügedən dövrdə ən aşağı inflyasiya isə 0,5 faiz ilə Yunanıstan, 0,6 faiz ilə Xorvatiya və Portuqaliyada ölçülüb.

İnflyasiya nisbəti yanvarda İngiltərədə 1,8%, Almaniyada 1,7%, Fransada 1,4%, İtaliyada 0,9% olaraq müəyyənləşdirilib.

Digər tərəfdən, Avro Zonasında pul siyasətini aparmaqdan məsul olan Avropa Mərkəzi Bankı (ECB), regionda qiymət sabitliyini təmin etmək üçün 2% səviyyəsində inflyasiya hədəfləyir.

marja