"Avropada bankların sayının həddən artıq çox olması bazar iştirakçılarının rentabelliyinin aşağı düşməsinə və digər problemlərə yol açacaq".
Banco.az "İnterfax" agentliyinə istinadən xəbər verir ki, bunu Avropa Mərkəzi Bankının (AMB) rəhbəri Mario Draqi bildirib.
"Buna baxmayaraq, bankların sayının çoxluğu da cari halda bank sektorunun gəlirliliyinin azalmasının əsas səbəblərindən biridir. İri inkişaf etmiş ölkələrdə uzunmüddətli faiz dərəcələri artıq iyirmi ildir enmir. Texnoloji yeniliklər, demoqrafik vəziyyət, gəlirlərin bərabərsizliyi və təhlükəsiz aktivlərin çatışmazlığı uzunmüddətli faiz dərəcələrinə təzyiqi azaldan faktorların yalnız bir hissəsidir", - deyə M. Draqi qeyd edib.
