Tamara Mustafayeva, Banco.az
Avropanın avtomobil bazarında ötən ay artım müşahidə olunub.
Banco.az xarici mətbuata istinadən xəbər verir ki, Avropa Avtomobil İstehsalçıları Birliyinin məlumatlarına görə, yeni avtomobil satışları avqust ayında 3,4 faiz artaraq 748 min 961 olub ki, bu da ötən 13 aydan sonra ilk artımdır. Lakin inflyasiyanın rekord həddə çatması və enerji böhranının yaratdığı qeyri-müəyyənlik səbəbindən bu artımın uzun müddət davam edəcəyi gözlənilmir.
Keçən illə müqayisədə 16 faiz artımla ən yaxşı göstərici isə Almaniyanın "Mercedes Benz" şirkətinin payına düşüb.
Yeni kommersiya nəqliyyat vasitələrinin qeydiyyatı isə Almaniyada 3 faiz, Fransada 3,8 faiz və İspaniyada 9,1 faiz artıb.
Bizi sosial şəbəkələrdən izləyin!!
